xuşk û birayên delal û hêja
dema we xweşbe

careke din emê vegerin li diwana kîme ez ya mamostayê mezinî nemir cegerxwîn



Ev Ji MeTê Hew


Me tim dilorand , te ser xiste xew
Şîyar bûye lê nabêjî me :- tew
Hezar wek xanî , hacî û bêkes
Dilxweş nebûn em ne ez û ne ew

Li ser hev dîlî , perîşanî , êş
Bindest û girtî , bin dar , û bin bêş
Çavên me ziwa , li ser te digrîn
Lê ta îro jî gavek nedî pêş

Ketin riya me pir newel û erx
Çend care dijmin ji me rakir kerx
Her kes bû dijmin , heta gera çerx
Gazinde çibkin , ev ji me tê , hew

Em çendan rêber pir hosta û jîr
Me serguherî hev kirne ev bîr
Çend sal li ser hev ev hawar û qîr
Medxwest bibî şêr , lê tu bûyî kew

Hezar saline m gerdenxwar û mest
Tim çav şikestî , rebin dîl ûst
Dijmin box we xwest , mejî jeer xwest
Bo dijmin nîvişk , tenê bo me dew

Mexabin ê te ev çîya û şax
Ev bajar û gund , pez û rez û bax
Birîndarî lê tu qet nabê ax
Birçî û tazî tenê nabê new

Bê kêrî lewra bê dost û hevdem
Hezar salin ko dibazî her dem
Zor û lêdan û kuştin û setem
Ey kurê nayrî , bermayê pehlew

Dixwazî bibî xwedî nav û deng ?
Bi rûmet , serbest , bijî tu xweş reng
Ji destê dijmin xwe derxî bi ceng
Bijî bi paye , rûmet û hew – hew

Te dane dijmin ev qunax û xan
Dest hilnayênî , ji lew perîşan
Bin destê dijmin birçî û bê nan
Çi bêjim , sîh sal dibêm bi lew – lew

Zana , bîrewer , hozan û gernas
Cengawer û xurt , qareman , mêrxas
Zaza û bext û lor , aşît û bilbas
Li sînga tevan rakişandin kew

Rêça kalên me çend sal dane ser
Taristane bê rêzan û rêber
Di şevreşê de roj qet nayê der
Xwendina te roj , xebate pertew

Te rê berdayêe vaye rê wer , wer
Gewher perestî , welat tev gewher
Here şerê şêr , gêr bûye li ser
Azadî bi xwînê ye, te divê wer, te dive mew

Welat yareke pir xweş û dîdar
Li ser dinalin hezar evîndar
Li rast û li çep kuştî , birîndar
Malwêrane ê dosta wî bedew







Em Kurdê çiyane




Em kurdê çiyane ne ko em xelkê merîxin


Em şerger û mêrin , neko faşîstê munîxin


Gernas û çelengin , xwedî tarîx û bi dengin


Nê cergê neyaran , bixwe em xencer û mîxin


Wek bestem ne dibê bêne şikandin


Lê nayêne xwarin , ne wekî moz û petîxin


Bindestê neyarin , tenê pir dijmin û bê çek


Çavnêrê demê ne , bixwe wek zencîr û sîxin


Nerm nabî bi levê , dilê vî dijminê xwînxwar


Korfersen û napak , bixwe bê mix û mexîxin


Em çêliyê rustem û kurê deysem û şêrko


Nayêne veşartin , wekî rim em di selixîn


Rabin wekî mêran , bikevin lat û şikêran


Sed poşî li vî xin , û hezar poşî li wî xin


Destên xwe bidin hev , û bibin hevdemê azad


Gurzê me sere dijminê xwîxwar bi pelêxin











Em Azadî xwazin





Kurd û ereb bira ne em tev azadî xwazin
Millet divê serbestî , li her derî di bazin
Em dixwazin serbestî , bere bimrî zordestî
Tev karker û cotar em dijminê zordar
Bi dest top û tifingin ji cengê re li Karin
Weke şêr û pilingin , tev dijminê neyarin
Bi taktîk û bi rêzan emê herin Kurdistan ,
Sere dijmin bişkênin , ji Kurdistan derênin .








Em Evin









Çavên me sûnd xwarine ranazin


Bi nalîn û axîn , dil bi kul û devsazin


Aştîxwaz , azadîperes , dil xurtin


Li her der digerin , bi fir û perwazin



Serbestî armance , bi mêranî xwe danê


Ji sehpa natirsin , xweş diçin zindanê


Tev karker û cotar , bi tektîk û rist


Welatparêzin , xwe berdane meydanê



Rapêçayî , tev gernasin wek fît


Qelaş û mêrxasin , pirt û egît


Bindestî bikêrnayê , divên serbestî


Bi tektîk û zanane , hemi jîr û şît



Hatina welatê xwe nadin koledar


Rencberê miletin , ne rencberê maldar


Bindestî hew biker têdoza meye serbestî


Vê ristê naxwazin , îdî nabin em , bindar



Berjor dibezin hew vedgerin serber jêr


Şevên tar û reş bûne geş weke sitêr


Hilma serbestî kete pozê me , dijmin şikest


Paşve direvin , em pey dikevin wek piling û şêr



Roja me derket , îdî winda nakin carek rê


Rêça me raste , dernakevin carek jê


Girêdayî bi hevre sal û dem û çax û beng


Dema we va çû , dema me îdî vaye tê û tê











HERE ? HERE








Here , here , here , here . . . . .


Law here , keko here , bavo here


Pismam here , domam here em biwere


Here . . . . .


Dijmin kete kurdistanê


Kesek nîne li meydanê


Ev dem dema ber dîlanê


Rabe here roja şere


Here . . . . . .


Bi destên me top û tiving


Here rabe bûye dereng


Weke şêr û weke piling


Herin dijmin em biwere


Here . . . . .


Dive welat bê sitandin


Eger bimrin dewlimendin


Serfirazin serbilindin


Dema dijmin derxin dere


Here . . . . . .


Şerme bo te kurê rustem


Wer bimênin mat û sersem


Ji Ehwazê , heta dêrsim


Bigrin ji xwere bigrin xwere


Here . . . . .


Dijmin bi zor ketye welêt


Xwîna millet mij û mêt


Êrîş bikin wek ar û pêt


Geh dibere , geh disere


Here . . . . .


Roja cengê tev jin û mêr


Pêşve herin piling û şêr


Welêt bigrin ji dest neyêr


Çûyîn heye , bê vegere


Here , here , here , here


Law here , keko here ez bitere . . . . .









Xwe kar bikin ji bo şer


Bi ser çiyan ketim ez karê mine bez û rev
Cî nine têde rûnim , ne bi roj û ne bi şev
Cihê bav û kale min bi xwîna min bûye sor
Dijmin îro têde ye , dibêjî min tu derkev
Bûye sîh sal dinalim , birîndar û perîşan
Hê ji nûve birînê , qemûşk girt û giha hev
Berî bibim birîndar , xwedî dost û mirov bûm
Lê îro mame tenha , ez bê ziman û bê dev
Zivistane nikarim , bi dijmin re bikim şer
Pûk û berfê dagirtin , gelî , derbend , û bendav
Vaye bihar bi xêr tê , xwe kar bikin ji bo şer
Êrîş bikin neyaran , weke mêran hemî – tev








Kurdistan




Kurdistanê , Kurdistan
Bexçê gula , derdê dila
Îro maye bin destan
Kurdistana bilindî
Hemi bajar û gundî
Heçî kesê te bxwazî divê canê xwe bderdî
Kurdisatnê , Kurdistan
Bexç gula derdê dila
Îro maye bin desta
Kurdistana pir xoşî
Xweş dicle û nêrdoşî
Namûs di serê wî nîne
Ê te erzan bifroşî
Kurdistanê , Kurdistan
Bexçê gula , derdê dila
Îro maye bin destan
Kurdistana hilmiştî
Ji zêr û gewher miştî
Em li ber dergevan
Dijmin têde rûniştî
Kurdistanê , Kurdistan
Bexçê gula , derdê dila
Îro maye bin destan
Miştî ji petrol û zêr
Dijmin dixun xêr û bêr
Rûniştî textê kohreş
Li ser taca erdeşêr
Kurdistanê , Kurdistan
Bexçê gula , derdê dila
Îro maye bin destan
Kurdistana pir zengîn
şax û baxên te rengîn
ne ez tenê lê tev kurd
ji derdên te cigerxwîn
Kurdistanê , Kurdistan
Bexçê gula , derdê dila
Îro maye bin destan .







Xortno rabin herin ceng








Xortno rabin herin ceng


Li her der û cî û şop


Bi dest me top û tiving


Hawîr bikin qope qop


Wek mêran bikin deng


Bigrin : kel û şax û kop


Weke şêr û wek piling


Xortno rabin herin ceng


Roja cengê em şêrin lawên guhderz û rustem


Kurdên navdar û mêrin kurên salar û deysem


Serê dijmin bihêrin emê çêkin çax û dem


Weke şêr û wek piling


Xortno rabin herin ceng


Em girnas û ser bilind kurê kurd û mîdîya


Hînî cengê bone rind em şervanê serê çiya


Em dê bigrin şar û gund birc û lat û gelîya


Weke şêr û wek piling


Xortno rabin herin ceng


Îro cenga welate weke şêran de rabin


Azadî û felate hemi dost û bira bin


Şoreş û kêferate bi tektîk û bi ra bin


Weke şêr û wek piling


Xortno rabin herin ceng


Dive em tev bibin yek weke şêran herin şer


Bilîlênin çav belek dijmin bişkê bidin ser


Xemlandî bin em bi çek pêşve herin li her der


Weke şêr û wek piling


Xortno rabin herin ceng


Roja cengê vaye tê em tev jêre li Karin


Dijmin derxin ji welêt ger em bimrin li Karin


Lê bibarin ar û pêt dem nêzîke dikarin


Weke şêr û wek piling


Xortno rabin herin ceng


Leşker bikin sed hezar dive nebî rawestan


Welat bigrin em bi dar ala me bête hildan


Bimrî bişkî koledar bijî kurd û Kurdistan


Weke şêr û wek piling


Xortno rabin herin ceng










Naxwazin bindestî








Kurdin serbilindin , naxwazin bindestî


Em azadî xwazin , divên tim serbestî


Îdî em hestan


Nîne rawestian


Xencer bi destan


Divên kurdi9stan


Kurdistana me ye , lê bindestê dijmin


Bi roz û rêzanî , dive ko em derxin


Êrîşe êrîş


Ey gelê kurdan


Dive em bigrin


Bizor Kurdistan


Gelek xoş û rinde pake serbilinde


Tev bajar û gunde , gelek dewlemende


Dijmin pê da ser


Divên herin şer


Bizor derxin der


Bigrin Kurdistan


Kurd şêre lê dijmin zencîr li mil pecan


Gernas û mêrxase , lê teng bûye meydan


Zencîr ba bişkên


Derkevin meydan


Bigrin em tola


Kurd û Kurdistan












Millet ji dijmin meztire




Em bi ser dijmin de wek pêt û birûskan birjin


Ger çi em dê bêne kuştin , wî digel xwe bikujin


Rê û derbendan li ber bigrin , wekî hewr û mijin


Em kurên kurd ser bilindin pêşve êrîş ey bira


Zanîbe , bawer bike millet ji dijmin meztire


Wer bikin lê bibne leşker dar û ber , lat û devî


Care nine serşikestî rev dest wî nakevî


Miletê kurd dê ji pare mêr û jin tev pey kevî


Em kurên kurd . . . . .


Sûnd û peyman bî li ser me em ji vê rê nagerin


can fidane , em di vê rê , nayê bîra me mirin


ala rengî wek pilngan pêşve rakin hilgirin


Em kurên kurd . . . . .


em di sînga wî de carek xenceran kalan bikin


wî çilom talan kirin , em jî wî wer talan bikin


ser şikestî perçe , perçe em li wî halan bikin


Em kurên kurd . . . . .


Em bi ser de hilweşênin , kozik û sênc û çeper


Şerpeze , rê nine paşve bazbidî , em bidne ser


Serbilind vegerin , li her der , ala rengî kesk û zer


Em kurên kurd . . . . .


Em welat bigrin bi carek dar di destê me kevî


Dewlemend û serbilind bin , zû li darxin wekhevî


Her kesek serbest bijî , dil xweş di nav de rakevin


Em kurên kurd . . . . .













Rî dibî bost ? dijmin nabî dost


Dibî ko rî bibî bost


Dijmin tu car nabî dost


Sed salî ser bidî post


Tim dil reş û bê bave ew


Her çende pişt nerme neyar


Gava te bigrî rengê mar


Carek li ser ser bête xwar


Jehra reş û zehrave ew


Diran ji hev , bi dev kenî


Şêr bêjî berxê :- ez benî


Xap û fenê pîs û genî


Lê berx çizanî rave ew


Ê kê bî ev xweşreng welat


Ev gund û bajar û kelat


Ev dicle û zab û ferat


Qase tijî dihave ew


Kurdê kurê lor û meda


Bigrî ji vir ta serheda


Tev mane bindest û geda


Wek parsekê bê nave ew


Ev çerx û dolabên dinê


Vê ger û û çûn û hatinê


Bala xwe win çê nadinê


Geh şêvreş û geh tave ew













Welatê min



Welatê min bihişte kanîya zêr


Belê şêr têde birçîne gurin têr


Kurên guhderz û rustem lê perîşan


Di bin destên neyaran têne ber kêr


Nezanî û nexwendin em birin paş


Ji dexsa yek ji wan carek nebû şêr


Ji dijmin re bi carek dost û bindest


Ji hev re pehlewan û şerker û mêr


Di bênin xelk di ser hewran ve çûne


Niha jî hê newêrin bêne bajêr


Hemî millet bi berjor ve di bazin


Tenê kurdan bi korî dane serjêr


di destê dijminan tang û firokan


hemi dinya ji cengê re li Karin


tenê beyhûd mane em xwedî xêr


eva rî bûye bost û tirk nebûn dost


ji bîr naçîn , ne gorn û ne serê mêr


belê tarîxê va roja me anî


bi hev re ser bilind rabin bidin dêr


binêrin xwendevan çawan bilindin


li alîkî me mizgeft û yekî dêr











Leşker im



Leşkerim şerkerim


Hawîr di gerim


Başok û bazim


Hawîr di bazim


Di bin desta de


Naxwazim razim


Leşkerim azadî xwazim


Dixwazim bijîm ez wek mirova


Naxwazim bijîm wek hirç û hova


Wekî miletan wekî dewletan


Xwedî nijadim xwedî zimanim


Bi ax û qadim bernadim bernadim


Qada xwe bernadim


Leşkerim wek bazim


Azadî xwazim


Leşkerê kurdim gernas û merdim


Naxwazim carek qada xwe berdim


Bi top û tifing ketim ser çiya


Nav gul û giya dar û devîya


Êrîşan dibim neyar û dijmin


Ji bo doza xwe xwe didim kuştin


Leşkerim wek bazim


azadî xwazim


Bermayê madim kurê ferhadim


Ne kolê tirk û firs û bexdadim


Kurê mîtanim xwedî binyadim


Kurdistana xwe carek bernadim


Kardoxim kurdim ekradim


Leşkerim bazim azadî xwazim


Sorim wek agir agirê pir gur


Tev tenê kuştin jin û hûr û gir


Ji bo konemrim ez dibim leşker


Bi qîr û halan şêr û dilawer


Bi bîr û bawer dil xweş diçim şer


Leşkerim bazim azadî xwazim


Naxwazim bijîm bin dare neyar


Dijminê xwînxwar hirç û hov û har


Rengê gurê har bi jehr û dijwar


Hov û bê mijî tenê min di kujî


Hestî şikestin xwîana me rijî


Leşkerim bazim azadî xwazim


Kurê zegrosim mêr û şervanim


Xwedî serdar û part û rêzanim


Birûsk û hewr û qîr û tevanim


Şewat û kuştin ceng û talanim


Ez şer naxwazim doza xwe dixwazim


Leşkerim bazim azadî xwazim


Millet bibî yek dest bavêjî çek


Bibim ser dijmin êrîşên mezin


Em wan bi dizin wek pez û bizin


Wan rê nezana bixin zindana


Leşkerim bazim


azadî xwazim











Mela Rabe


Xwenda û zanayê welêt


Ta key di xewda bî , mela ?


Hawîr dixan û ar û pêt


Ma raste tim wabî , mela ?


Millet seranser maye jar


Kola û bin destê neyar


Her dem dikî qîr û hawar


Carek şiyar nabî , mela


Tu rêberê kurdin reben


Ma nabênî zicîr û ben ?


Dimrin li çolan bê kefen


Dîsa tu ranabî mela


Ji dest me çn ferman û dar


Ka xwendegeh û xwendewar


Birçî û tazî rengê mar


Tim çav li destabî , mela


Gava ko dezgeh hîn bibî


Qey gawir û bê dî dibî


Yan rengê rûs û çîn dibî


Hişyar û zanabî , mela


Dijmin bi xwendin bûne mêr


Hawîr xwe parast rengê şêr


Peyda kirin wî mal û zêr


Lew zor li wî nabin , mela


Zû hîn bibe top û tifing


Li ser çiyan bi qîr û deng


Bi dijmin re bike tu ceng


Hê nû tu seyda bî , mela


Xwe çenke bajarên mezin


Win kar bikin hezar û hin


Bawer bike carek ji min


Tê jîr û hosta bî mela


Binêr kelemper , ba dibî


Çuklî ji ber li ba dibî


Lê dar bi jor ve radibî


Divêt ku zana bî , mela


Her dem bere bayê bihar


Bi qîr û fîzfîz û hewar


Ser jêre xwar nakî zenar


Qet care lê nabî , mela


Millet ku şer dikin hemi


Ê qels serî dişkê timî


Bê tang û bê top û gemî


Nabî xwe azakî , mela


Vaye terektor hate kar


Cotar ji hev kir tar û mar


Carek ji xew nabî şiyar


Cotê me ê ga bî , mela











Nizanim ez nizanim


Xeyda ji min xyidye


Rû sor û pir cemidye


Li ser wê ez di kalim


Wekû bilbil di nalim


Tenê dibê nizanim


Nizanim ez , nizanim ez , nizanim . . . . .


Dibê : dûrî min here


Te yek diye ji xwe re


Ez û tu bûne dijmin


Îdî bes were cem min


Tenê dibê nizanim


Nizanim ez , nizanim ez , nizanim . . . . .


Min go : bêje kiye ev


Li ser dibêm roj û şev


Go : min çi jêye heyran


Win pîroz bin jib o hev


Tenê dibê nizanim


Nizanim ez , nizanim ez , nizanim . . . . .


Min go : botîye


Go : na


Min go : torîye


Go : na


Min go : sûrîye


Go : na


Min gon : lorîye


Go : na


Tenê dibê nizanim


Nizanim ez , nizanim ez , nizanim . . . . . .


Keça kê ye ?


Nizanim


Ji şamê ye ?


Nizanim


Ji bexdê ye ?


Nizanim


Ji hindê ye ?


Nizanim


Tenê dibê nizanim


Nizanim ez , nizanim ez , nizanim . . . . . .


Min go : rewşê ye ?


Go : na


Min go : eyşê ye ?


Go : na


Min go : fatê ye ?


Go na


Min go : xatê ye


Go : na


Tenê dibê nizanim


Nizanim ez , nizanim ez , nizanim . . . . . .


Min sûnd xwarî bi xwedê


Lê wê bawer ne kir pê


Serê bav û serê dê


Lê wê bawer nekir jê


Tenê dibê nizanim


Nizanim ez , nizanim ez , nizanim . . . . . .


Ne tewrat û ne incîl


Ne furqan û evista


Min sûnd bi van teva xwar


Lê ji payê nehat xwar


Tenê dibê nizanim


Nizanim ez , nizanim ez , nizanim . . . . . .


Go : şêrîna pir delal


Here niha were mal


Ma min çi jêye heyran


Pêre bike tû seyran


Tenê dibê nizanim


Nizanim ez , nizanim ez , nizanim . . . . . .


Min go : tu rast dibêjî


Tê navê wê bi bêjî


Ji te pêve me sûnd xwar


Ez bi kes re nebûm yar


Tenê dibê nizanim


Nizanim ez , nizanim ez , nizanim . . . . . .


Go : yeke poz bilinde


Gelek delal û rinde


Bê xwedî û xwedane


Navê wê kurdistane


Me go : raste dizanim


Dizanim ez , dizanim ez , dizanim . . . . . .


Tu tim li ser dibêjî


Pir rondikan dirêjî


Wê zor daye birînê


Çav sor bûye ji xwînê


Min go : qurban dizanim


Dizanim ez , dizanim ez , dizanim . . . . . .


Bezîme herdû lêvan


Me dest birin du sêvan


Min go : raste bi qurban


Tiwî tiwî kurdistan


Ji te pêve nizanim


Nizanimez , nizanim ez , nizanim


Ji te pêve nine kes ne faris û ne çerkes


Ji tevan dil giranim


Ji te pêve nizanim


Nizanim ez


Nizanim ez , nizanim ez , nizanim


Min ew da ber mile xwe


Min pê xweş kir dilê xwe


Bi qurbana te seyda


Navê te kirye xeyda


Dizanim ez


Dizanim ez , dizanim ez , dizanim . . . . . .








Partî me





Welat hezar salin beyar




Di nav de wer bê tînim ez




Hemî pûş û pelaxe lê




Pir başe ko hê şînim ez




Dijmin disê xet lê kişand




Jehra dubendî lê reşand




Xwîna dilê min mijand




Ev çende pê şêrînim ez




Karê wî ye tim roj û şev




Naçare em berdane hev




Karê me bû bazdan û rev




Xweş zanibe dûrbînim ez




Heta nebin xwenda û jîr




Bê rêber û bê destegîr




Bê partî û rêz û wezîr




Lê ji tere mizgînim ez




Tu guh mede sewal û pez




Hêjane çi ev dar û rez




Destê xwe bidne hev bi bez




Pir dewlet û zengînim ez




Partîme rêça serxwbûn




Jêre bidin mal û hebûn




Bendê di lingên we vebûn




Hêj nûber û bengînim ez




Destên xwe tev em bidne hev




Welatperest bin,ne bi dev




Xebat bikin em roj û şev




Wek kawîs û gurgînim ez




Win guh medin ê dil nexwaz




Wan hove wek hirç û beraz




Yan roviyên pir hîlebaz




Pey wan de tim qêrînim ez




Ez tim dikim qîr û hewar




Gazî dikim kurdên xewar




Carek li min dijmin siwar




Lê hespê bê dezgînim ez




Carek ko ez lota bidim




Dîsa di nav xorta bidim




Gazî bikim forta bidim




Hirmîn û pir gurmînim ez




Partîme rêzanê te me




Pispor û pêzanê te me




Hozanê xêzanê te me




Neb tenê tim rotînim ez




Gavên xwe hawîr radidim




Hasin bi nermî badidim




Arzan dibim , biha didim




Keyxesriwê şêrînim ez




Bîst sal dibêjim eşkera





Dest bidne hevdî wek bira




Lê dîn çi zanin van dira




Lew gawir û bê denim ez
















Peymana Bexda




Peymana bexda ya çewt û xwar nadirist




Zû peqî ew peyman çavên we zû derxist




Ereb , kurd tev gernas tev leşker tev iraq




Dane bin lingên xwe ew peyman ew tifaq




Şikandin koledar şikandin koledar




Dil bi tirs ser bi xwîn perîşan birîndar




Di civin di Kevin bi paşve direvin




Haştîxwaz serfiraz mêrane peykevin




Bi ser de kumişîn tev kozik tev çeper




Ser bi reş ji qenal ji iraq çûne der




Li her der direvin weke hirç weke gur




Haştîxwaz peykevin geh li vir geh li wir




Gernasan diz girtin serbilind weke şêr




Tif dikin riwê wî riwê diz jin û mêr




Vî şêrê rojhilat rekeh zû perçe kir




Koledar zû şikest direvî weke gur




Çavên wî wek pereng pencên wî tev mirin




Damarên dilê vî gurê har kun kirin




Gurê har birîndar li her der direvî




Herî ku wê şêrek ser mezin peykevî




Rê vekir jib o me payedar şêr cemal




Şikandin li siwês derxistin ji qenal




Gernasan çirandin çi peyman , tifaq




Hilweşîn kozikên koledar li iraq




Rencberên koledar perçiqîn li bin pê




Hin kuştin lê ên dî roja wan vaye tê




Perda reş nikarî riwê wan veşêrî riwê wan






silve ji bo we





bavê aras











Cegerxwîn Kîme EZ 2 cegerxwîn ez kîme