بدي احكي عن شي يمكن تتعجبو, بس هالشي عم يزعجني كتير و يسبب لي احراجات كتيرة.
متل ما نعرف كل واحد الو طباع مختلفة عن التاني و أنا عندي طبع و هو انو انا اضيع اغراضي بشكل ملفت للنظر , وكتير مرات بروح عالدكان وأطلب الشغلات اللي بتلزمني وبعدها بمد ايدي لجيبتي
و اكتشف انو ما فيها شي !!!!!
بس الشغلة اللي صارت مؤخراً و اللي سببت لي الصداع و الاكتئاب هي ضياع الهارد فلاش (Flash memory)
وهاي مو المرة الأولى اللي بيضيع فيها هالهارد فلاش , المرة الأولى كان قبل 8 شهور تقريباً ,في بداية الصيف الماضي, وظل 6 شهور ضايع وفجأة اتصل بي أخي وأنا بحلب بأنه شاف فلاشي معلق بكرسي المحل تبعو!!!!! المهم هلا انو الفلاش ضاع من جديد ...
انا انزعجت كتير لان الفلاش كان يحتوي كتب ومقالات كتيرة , والليلة اللي ضاع فيها كنت عم اجهز CD عن الكاتب الكبير (سليم بركات)
وعبيت الفلاش بالصور والكتب والمقالات الخاصة بالCD ...
أنا خفت أخبر أهلي بالأول لكنهم عرفوا بعدما شافوني عم أدور هون وهون و شافوني مزعوج ... وبعدما عرفوا... بدأت الاتهامات فأمي تقول: عقلك مو مزبوط , وهاي مو أول مرة فأنت ضيعت جزدانك و كتبك و طابتك لما كنت صغير
و.....و....وتعدد قائمة الأغراض اللي ضيعتها و أخجل من ذكر بعضها....
وفي مساء ذلك اليوم رحت لعند صديقي مشان نمشي عالطريق بين البيت و مقهى الانترنيت اللي يقدر بكيلو مترين !!
وفي الطريق قعدنا بمحل فلافل وسألنا صاحب المحل " البارحة كنا عندك هون وضيعنا فلاشنا ما شفتو شي؟؟" فأجاب بالنفي , وأضاف
" يمكن الولد شاف شي " وناداه , ولما سألنا الولد بدأ يحلف بأنو مو شايف شي . طبعاً طمنا الولد بأننا ما عم نشك فيه ...
وذلك اليوم نمت على حزن عميق ليس لقيمة الفلاش المادية و إنما على حظي التعيس و قيمة ما يحتويه ...
وفي صباح اليوم التالي جاءت أختي الصغيرة لتخبرني بأنها رأت الفلاش تحت خزانة الملابس !!!!!!!!!!
بالتأكيد فرحت كتير , وقلت مخاطباُ الفلاش: هالمرة بدي أربطك بسلسلة الى خصري !!!!!

hgqdhu